Маңғыстау өңірі екпе алудан республика бойынша ең төменгі орында

Бұл туралы Қоғамдық коммуникация орталығында өткен брифингіде Маңғыстау облысы денсаулық сақтау басқармасы басшысының орынбасары Аманбек Жұмыров айтты.

«Өңірде вакцинация жүргізілгелі облыс бойынша I компонентпен 59 004, II компонентпен 34 224 адам егілді. Дегенмен, Маңғыстау өңірі екпе алудан республика бойынша ең төменгі орында. Қауіпті індеттен қорғанудың бірден-бір жолы вакцинация. Сол себепті халықты вакцинациялау жұмысын қарқынды жүргізу қажет. Ақпараттық-түсіндіру жұмыстары әлі де жалғасады», - деді Аманбек Жұмыров.

Өңірде коронавирус індетіне қарсы екпе жұмыстары белсенді жүргізілуде. Бүгінде облысқа 209 250 доза вакцина жеткізілді. Оның ішінде ресейлік «Sputnik V» вакцинасының I компоненті бойынша 96 150 доза, II компоненті бойынша 57 600 доза бар.

Сондай-ақ «QazVac» екпесінің 4 000 дозасы, «Hayat-Vax» вакцинасының 31 500 дозасы, «CoronаVac» екпесінің 20 000 дозасы әкелінді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.