Маңғыстауда кәріз суын залалсыздандыру және қайта пайдалану технологиясын енгізу жоспарланып отыр

Кеше облыс әкімі С. Трұмов Ақтау қаласындағы 2-кәріз тазалау қондырғысынан (КОС-2) шығатын кәріз суын залалсыздандыру арқылы пайдалану пилоттық жобасымен танысты. Бұл туралы mangystaumedia.kz Маңғыстау облысы әкімдігінің баспасөз қызметіне сілтеме жасап хабарлайды.

Қазіргі таңда 5 залалсыздандыру қондырғылары Ақтау қаласына жеткізіліп, құрылыс-монтаждау жұмыстары жүргізілуде. Бастапқыда қондырғының қуаттылығы тәулігіне 16000 текше метрді құраса, кейін ол 40000 текше метрге дейін ұлғаяды. Зертханалық сынамалар қорытындысына сәйкес залалсыздандырылған суды қаланы көгалдандыру жұмыстарына пайдалану жоспарлануда.

Нәтижесінде, жаз айларында жасыл желектерді суаруға жұмсалатын ауыз су көлемі тұрғындарға бағытталатын болады.

Айта кету керек, бұл қондырғы әзірге Қазақстандағы жалғыз қондырғы. Технология Ресейде, БАӘ-де және Еуропа елдерінде белсенді қолданылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.