Маңғыстауда инфекциялық стационарларда 49 науқас жатыр

Маңғыстауда 4 желтоқсандағы жағдайға сәйкес, I-II деңгейлі инфекциялық стационарларда 49 адам ем қабылдап жатыр. Бұл туралы mangystaumedia.kz сайты облыстың коммуникация орталығына сілтеме жасап хабарлайды.

Облыстың денсаулық сақтау басқармасының мәліметінше, сол 49 науқастың ішінде 7-нда коронавирусқа тапсырған сынама оң нәтиже көрсеткен.

Қазіргі уақытта орта дәрежелі жағдайда 36, жағдайы ауыр халде 11 науқас, өте ауыр хәлде 2 науқас бар.

Бұл бөлімге түскендердің нашарлауына жедел тыныс жетіспеушілігі және ілеспе аурулардың болуы себеп.

Бүгінде аймақтың оқшаулау орындарындағы төсек-орын жүктемесі 12 пайызды құрайды.

Облыс көлемінде 412 инфекциялық І-ІІ сатылы төсек орын бар. Сондай-ақ, реанимациялық төсек саны 54.

Анықтамасыз шетелден келген Қазақстан Республикасының азаматтары мен шетел азаматтарына арналған карантиндік стационарларда барлығы 270 төсек орын бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.