Қазақстан, Түрікменстан мен Ауғанстан жаңа теміржол желісін салу мүмкіндігін талқылады

19 шілде күні Ақтауда өткен бірінші көлік сауда-экспорттық форумында Қазақстан, Түрікменстан және Ауғанстанның үшжақты кездесуінде Түрікменстанның батыс шекарасынан Ауғанстан арқылы Пәкістанға және одан әрі Үндістанға баратын «Тургунди – Герат – Кандагар – Спин-Булдак» жаңа теміржол желісін салу мүмкіндігін талқылады, деп хабарлайды mangystaumedia.kz.

Бұл жобаны бірлесіп жүзеге асыруды Түрікменстан Министрлер Кабинетінің жанындағы Көлік және коммуникациялар агенттігінің басшысы Мамметхан Чакиев ұсынды. Оның айтуынша, түрікмен тарапы ауғандық әріптестерімен Тургундида логистикалық орталық құру туралы келісіп қойған және жақын арада оның құрылысын бастауды жоспарлап отыр. Астықты, контейнерлерді және басқа да жүктерді ауыстырып тиеу нысандарын салу жоспарлануда. Жобаны жүзеге асыру кезінде логистикалық орталық Тургундидан жүк айналымын арттыруға серпін бермек.

– Біз қазақстандық өкілдерді құрылысқа қатысуға шақырамыз. Жоғарғы теміржол жолының құрылысын салу бойынша сізде өте сапалы өндіріс бар екенін білеміз. Бұдан бөлек басқа да көптеген мүмкіндіктер бар. Тургунди – Герат тек темір жол салу ғана емес, сонымен бірге жүк тасымалын одан әрі дамытып, осы бағыттағы тауарларды тарту. Қазақстандық тараптың қатысуымен біз бұл дәліздің тартымдылығын айтарлықтай арттыра аламыз, - деді Мәмметхан Чакиев.

Ауғанстан өкілдері Қазақстан мен Түрікменстан арқылы Пәкістанға жүк транзитін қамтамасыз етуге дайын екенін атап өтті, өйткені бұл жалпы тасымалдау үдерісінің барлық қатысушылары үшін тиімді болады. Олар Қазақстан мен Түрікменстан аумағы арқылы қытайлық тауарларды импорттауға қызығушылық танытты.

«Біз жаңа теміржол бағытын бірлесіп жүзеге асыру ұсыныстарын қолдаймыз және Түрікменстан мен Ауғанстанның Тургунди-Герат жолын салу жоспары бар екенін естіп қуаныштымыз», - деді Серік Жұманғарин. – Жақында «Солтүстік-Оңтүстік» бағыты бойынша Ресей, Қазақстан және Түркіменстан «бір терезе» қағидаты бойынша қызмет көрсететін бірыңғай көлік компаниясын құрды. Жоба тараптарының күш біріктіруі өте маңызды. Біз Түркіменстан идеясын қолдаймыз, өйткені бұл Ауғанстан арқылы Пәкістанға және одан әрі Үндістанға батыс дәлізін салудың бастамасы.

Сол күні Қазақстан Премьер-Министрінің орынбасары ирандық делегациямен кездесу өткізіп, онда көлік-логистикалық инфрақұрылымды дамыту бойынша бірлескен ниеттерді жүзеге асыру барысы талқыланды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.