МАЭК: Ақтауда ауыз судың қысымы 19.00-ге дейін тұрақталады

Ақтауда қаланың жоғарғы аймағына берілетін ауыз судың қысымы қалыпты жағдайдың 70 пайызына көтерілді. Ал қаланың төменгі аймағына су беру үшін ОСЖТ-3 резервуарлары суға толтырылып жатыр, деп хабарлайды mangystaumedia.kz.

Бұл шаралар су құбырлары жарылмас үшін біртіндеп жүзеге асырылады.

«Қаланың жоғарғы аймағына ауыз су беру режимі сағат 17.00-ге дейін тұрақталады. Бұл аймаққа Ақтау қаласының 9,10,11,12,13,14,15 шағын аудандары; 16 шағын ауданның 40 және 41 үйлері, "Абырой", "Несібе", "УайтХаус", "Отпан тауэрс" тұрғын үй кешендері; сондай-ақ 17 шағын ауданның "Дукат-1д", "Жанболат" ТК, 24,26,27,28,29, 29а, Толқын-1, Толқын-2 шағын аудандары кіреді.

Ал қаланың төменгі аймағына ауыз су беру режимі сағат 19.00-ге дейін тұрақталады. Бұған қаламыздың 1,2,3,4,5,6,7,8,21, 22,23,25 шағын аудандары кіреді», деп хабарлады «МАЭК» ЖШС.

Мекеме келтірілген уақытша қолайсыздықтар үшін тұрғындардан кешірім сұрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.