Тұрғынды соққыға жыққан Бейбіт Шүменовке қатысты тергеу басталды

Бокстан бұрынғы әлем чемпионы Бейбіт Шүменов Астанадағы сауда орталықтарының бірінде қолында баласы бар ер адаммен төбелесті. Оқиға видеоға түсіп қалған, - деп хабарлайды mangystaumedia.kz сайты prosports.kz сілтеме жасап.

Кикілжің фуд-кортта болған. Келген патруль төбелеске бұрынғы әлем чемпионы Бейбіт Шүменов пен Астана қаласының тұрғыны Азизбек Қадыров қатысқанын анықтады. Астана тұрғыны ұрыста жараланып қалғандықтан, сот-медициналық сараптамаға жіберілді.

Іс бұзақылық ретінде тіркелді. Орташа ауырлықтағы мұндай қылмыс үшін 2000 АЕК-ке дейінгі мөлшерде айыппұл салу, не сол мөлшерде түзеу немесе қоғамдық жұмысқа тарту, не 2 жылға дейін бас бостандығынан айыру жазасы көзделген.

Ал кейбір әлеуметтік желі қолданушылары кәсіпқой боксшыны «қоғамға қауіпті және адам өлтіруі мүмкін» деп барлық атағынан айырып, түрмеге жабуды талап етуде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.