Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
ҚР Оқу-ағарту министрлігі орта білім беру ұйымдарында 2023–2024 оқу жылының басталу мерзімін, ұзақтығын және каникул кезеңдерін бекітті, деп хабарлайды mangystaumedia.kz сайты министрлікке сілтеме жасап.
Министрлік мәліметінше, еліміздегі орта білім беру ұйымдарында 2023-2024 оқу жылы 1 қыркүйекте басталып 25 мамырда аяқталатын болып бекітілді.
Қазақстандық оқушылардың бірінші тоқсанда оқу уақыты 8 аптаға созылады, күзгі демалыс – 30 қазан мен 5 қарашаны қоса алғанда 7 күн.
Екінші тоқсанда 8 оқу аптасы, қысқы демалыс 2023 жылдың 29 желтоқсанынан бастап, 2024 жылдың 7 қаңтарын қоса алғанда күнтізбелік 10 күнге созылады.
Үшінші тоқсан 10 оқу аптасына созылады. 11 күндік көктемгі каникул 2024 жылдың 21 наурызында басталып, 31 наурызға дейін жалғасады.
- Жыл сайын бірінші сынып оқушылары үшін үшінші тоқсанда қосымша демалыстар беріледі, ұзақтығы 7 күн – 2024 жылдың 5 ақпанынан 11 ақпанға (қоса алғанда) дейінгі уақытты қамтиды. Төртінші тоқсанның ұзақтығы 8 оқу аптасын құрайды. Сондай-ақ 25 мамырда қорытынды шығарылып, оқу жылы аяқталады,- делінген Оқу-ағарту министрлігінің хабарламасында.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.