Мұз жарылып кеткен — Атыраулық полицейлер жасөспірім қызды құтқарды

Атырау қаласында орталыққа жақын маңда Жайық жағалауында мұз ойылып, қыз бала суға түсіп кеткен, деп хабарлайды mangystaumedia.kz Kazinform ақпарат агентігіне сілтеме жасап.

Хабарлама бойынша Патрульдік полиция батальонының қызметкерлері Ғапу Жанарыс, Арсен Муратов, Құрманғазы Мерей және Әкімшілік полиция бөлімі инспекторы Арманбек Габитов дереу оқиға орнына жеткен.

Мұз ойығынан басы ғана көрінген қызды полицейлер құтқаруға бірден кіріскен. Жанарыс Ғапу беліне арқан жіп байлап мұз үстімен жасөспірімге қарай беттеді. Әріптесі Мерей Құрманғазы оған көмектесу үшін жіп бойымен бірге жүрді. Өзге полицейлер жағада Жанарыс Ғапуды суға батып бара жатқан қыз баламен бірге тартып шығаруға дайын тұрды.

Аяқасты адам өміріне араша түскен полицейлердің қырағылығы мен ептілігі нәтижесінде жасөспірім жағаға шығарылып жедел-жәрдеммен ауруханаға жеткізілді. Денесі қатты суықтаған жасөспірім мән-жайды түсіндіре алмады.

Жедел-тергеу тобы тиісті шараларды бастап кетті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.