Ұшаққа отыратын жолаушыда COVID-19 вирусы жоқ екенін растайтын анықтама болуы керек

Қазақстанның бас мемлекеттік санитар дәрігері Айжан Есмағамбетова қызметкерлер мен жолаушылар үшін COVID-19-ға тестінен өткені туралы анықтаманың болуы талабын қайта қарастыру туралы Қазақстанның авиациялық әкімшілігінің ұсынысына жауап берді.

«Бүгінде біз инфекцияның жаңа түрімен күресіп жатырмыз. Осы және басқа талаптарға қатысты ұзақ дауласуымыз мүмкін. Тиісті талаптарды әзірлей отырып, біз халықаралық тәжірибені назарға аламыз. Сонымен қатар қаңтар айынан бастап өзімізде жинақталған тәжірибені де ескереміз», - деді А. Есмағамбетова онлайн баспасөз мәслихатында.

«Ұшақ мәселесіне тоқталсақ, оның салонындағы кеңістік шектеулі. Осы орайда індет жұқтыру қаупі бар. Біз осы жағдайға басқаша қарауымыз керек. Індет жұқтырған адамның жанына басқа жолаушылардың отырғысы келмейтіні түсінікті. Сондықтан біздің мақсат – ол мұндай жағдайларға тосқауыл қойып, әуе сапары кезінде жолаушылардың инфекцияға шалдығуына жол бермеу. Жағдайдың тұрақтануына қарай, біртіндеп бұл норманы біз қайта қарауымыз мүмкін. Біздің шаралар бірінші кезекте індеттің жұғуын алдын алуға бағытталған», - деді Қазақстанның бас мемлекеттік санитар дәрігері.

Бұдан бұрын хабарланғандай, Нұр-Сұлтан мен Алматы қаласы арасында ұшақпен ұшатын жолаушылпр қандай шарттарды орындауы керектігі айтылған еді.

Әуе тасымалы, көліктегі бас санитралық дәрігер бекіткен күшейтілген санитарлық талаптар арқылы жүзеге асырылады. Ұшу үшін жолаушыда COVID-19 белгісі жоқ екенін растайтын анықтама болуы керек.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.