Былтыр Мемлекеттік қызмет істері агенттігінің Маңғыстау облысы бойынша департаменті мемлекет бюджетіне 2,5 млн теңгеге жуық қаражат өндірді, - деп хабарлайды mangystaumedia.kz сайты.
Аумақтық департамент басшысы Нұргүл Жанназарова мәліметінше, 2019 жылы өтініштерді қарау қорытындысы бойынша 1,3 млн-нан астам теңгені мемлекет кірісіне қайтару бағытында тиісті жұмыстар жасалған.
Бұдан басқа, 2019 жылы департментпен 38 әкімшілік жауапкершілік қарастырылып, нәтижесінде мемлекет қаражатына 1,2 млн теңгеге жуық қаржы өндірілген.
Кәсіби мемлекеттік аппаратты қалыптастыруда заңбұзушылықтарға жол бермеудің өзектілігі күннен күнге өсіп келе жатыр. Мемлекеттік қызмет саласындағы уәкілетті орган ретінде профилактикалық шаралар және түсіндірме жұмыстары алдағы уақытта да өз жалғасын таппақ.
Махаббат НҰРЖАНҚЫЗЫ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
