Бүгін түнде Маңғыстаудың кей жерлерінде қатты аяз болады

Бүгін түнде, яғни 15 қаңтардан 16 қаңтарға қараған түні Маңғыстаудың бірқатар аймақтарында ауа райы күрт суытады. Дауылды ескерту бойынша Маңғыстау облыстық ТЖД БКДКБ ЖК азаматтық қорғау майоры М.Эсенов қала, аудан әкімдеріне  ТЕЛЕФОНХАТ жіберген.   

Хатта барлық тұрғындарға  келе жатқан аяздан сақтанып, түн уақытында жаяу немесе көлікпен шықпау керектігі қатаң тапсырылады.

Сондай-ақ, жергілікті билік өкілдері мен мекеме басшылары хатта көрсетілгендей, төмендегідей сақтық шараларын ұйымдастыруды тапсырады:

 «2018 ж. қаңтар айының 15 жұлдызы Маңғыстау облысы бойынша түнде кей жерлерде қатты аяз күтіледі – 22 градус. Халықтың, қызметкерлердің қауіпсіздігін қамтамасыз ету мақсатында іс-шараларды ұйымдастыру сұралады:

• Селолық округтармен тұрақты байланыс орнатылуын, жылыту қазандарын және жүйесін жұмысын қадағалау;
• Темір және тас жол қозғалыстарын қадағалау, жол жүйелерін және көпірлердің жағдайын тексеру, тамақтандыру және жылыту бекеттерін дайындықта ұстау;
• түнгі уақытта елдімекендерден шығатын автокөлік қозғалысын барынша қадағалауды;
• халыққа, қызметкерлерге төтенше жағдай болған жағдайда одан қорғану және іс-әрекет жасау әдістерін үйрету, үгіттеу»

Ауа райына байланысты жол апаттары мен ауыр жағдайлар тіркелген жағдайда

103  жедел-жәрдем нөмеріне,

102 полиция қызметіне,

Сондай-ақ, 112, 42-68-68, 42-68-00 облыстық төтенше жағдайлар жөніндегі Департаментіне хабарласуыңызды сұраймыз!

Айгүл ДӘДЕН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.