Марапат алған Маңғыстау меценаттары (ФОТО, ВИДЕО)

Бүгін Ақтауда "Туған жерге тағзым" атты Маңғыстау меценаттарының форумы өтті.  Елдің хал-ауқатын жақсартуға өз қаражатын бөлген атымтай жомарт азаматтар марапатталды. Өңірдегі спорт кешендерінің салынуына, жастардың білімін арттыруға, денсаулық, өнер, экономика салаларында игі іс атқарған абзал жандар қандай құрметке де лайық. 2017 жылы Маңғыстауда 100 меценат жалпы құны 43 миллиард теңгені осындай игі істерге жұмсапты. Сонымен қайырымды іске мұрындық болған азаматтардың тізімі төмендегідей: 

Жетімдер мен мүгедек балалар және балалар үйінің тәрбиеленушілері мен науқас сәбилерге көрсеткен көмегі үшін «Мейірімді меценат» номинациясы бойынша Қосуақов Айбек Қосуақұлы және Тілеумағанбетов Айтқали марапатталды.

Аймақтағы Білім саласының дамуына атсалысқаны үшін «Жарқын болашақ» номинациясымен Келдібаев Атабек және Жолдыбаев Асылбек Тұрарұлы;

«Спорт әлемінің жанашыры» номинациясымен - Мұңалбаев Сұңғат Аңшыбайұлы;Ардагерлер мен еңбек ерлеріне жасаған  көмегі үшін «Жомарт жүрек» номинациясымен Боранбаев Бердіқожа Оңдасынұлы және Есман Жұмабаев;  

Барлық бастамаға белсене атсалысқан «Үлгілі ұжым» - Қалдаманов Исенбай Әбиұлы және Табылдиев Дуйсебай Аманханұлы;

Денсаулық саласының дамуына және науқас жандарға көрсеткен қолдауы үшін «Шын жүректен» номинациясы бойынша Дүсіпова Сара Шажақызы және Найзабеков Тәжімұрат Толбайұлы марапатқа ие болды.

https://youtu.be/Yv1LREbUuz4

Өңірдің төл мәдениетін дамытуда өзіндік қолтаңбасын қалдырған Мұсабаев Самат Базарбайұлы және Дәрменов Жаңбырбай Тәжіғұлұлына «Руханият тірегі» номинациясы,

өңірдің дамуына қосқан үлесі үшін «Туған жерге тағзым» номинациясы Жауперов Мұратбек Бақыұлына және Бердияров Серікбайға,

ұлтаралық бірлік пен берекені нығайтуға қосқан үлесі үшін «Ынтымақ» номинациясы Абдулаева Түймеш Базарқызына және Мүсірепов Ілияс Санатуллаұлына,

 «Мәрт меценат» номинациясы Кезбаев Бітім Тәжіғұлұлы және Қырымқұлов Мырзабек Тітірбайұлына табысталды. 

Ал, мұқтаж жандарға қамқорлық танытып, жастарға қолдау көрсеткені үшін «Қамқор» номинациясы Тәрбия Айдымбаеваға  табыс етілді.

Айгүл ДӘДЕН Суреттерді түсірген Серік МАЙЕМЕРОВ 

[gallery td_select_gallery_slide="slide" ids="44175,44179,44178,44177,44176"]