Маңғыстауда 245 кәсіпорын «Аshyq» жобасы бойынша жұмыс істеп жатыр

Оның ішінде 199 нысан ресми, ал 46 тесттік режимде ашылған. Бұл туралы Қоғамдық коммуникация орталығында өткен брифингте Маңғыстау облысы кәсіпкерлік және сауда басқармасының басшысы Жанна Тоқбаева мәлім етті.

«Біздің басты міндетіміз - кәсіпкерлерді қолдау. Қазіргі уақытта пилоттық жобаға бірнеше кәсіпкерлік субьектілері енгізілді. Оның ішінде 199 кәсіпкерлік нысан тесттік режимнен өтті. Бұл кәсіпкерлердің тізімі облыс әкімдігінің ресми сайтында бар. Сондай-ақ бұл тізім қала, аудан әкімдіктерінің ресми парақшаларына орналастырылды», - деді Жанна Тоқбаева.

Баспасөз конференциясына МO Кәсіпкерлер Палатасы директорының орынбасары Аққу Айтжан қатысты.

Оның айтуынша, өңірде осы күнге дейін «Аshyq» қосымшасы арқылы QR-кодты 34 485 адам сканерден өткізген. Оның ішінде 26341 келуші қоғамдық тамақтану орталықтарында тіркелді.

«Жаңа жоба өңірде қоғамдық тамақтану объектілері, боулинг, қонақ үйлер, кинотеатрлар, компьютерлік клубтар, сауналар, СПА-орталықтар, театрлар, фитнес-орталықтар мен турагенттіктер бойынша 10 салада жұмыс істейді», - деді Аққу Айтжанова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.