Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Облыстық мәслихат депутатына кандидат Киікбай Ешманов, Нури Тумышев, Ахмет Салманов «Маңғыстау өңірлік электротораптық компаниясы» АҚ ұжымымен онлайн байланысқа шықты. «Zoom» платформасы арқылы «Nur Otan» партиясының бағдарламасын таныстырып, 5 жылдық жұмыс жоспарына кеңінен тоқталды.
- Биыл алғаш рет республика бойынша 216 аймақтық бағдарлама жасақталып, өңірлердегі мәселелер жинақталып, егжей-тегжейлі көрініс тапты. Бұл алға қойған міндеттерді еліміздің кез келген өңірінде, барлық деңгейде тиімді іске асыруға мүмкіндік береді. Партия елді жаңғырту мен тұрмыс деңгейін арттыру бағдарын берік ұстанады, - деді кандидаттар.
Сонымен қатар олар мұнайлы өлкеде орналасқан өндірістік мекемелер, өнім өндіретін кәсіпорындар мен зауыттардың барлығын электр қуатымен қамтамасыз етіп отырған Маңғыстау энергокомбинат болатын болса, ал тасымалдап беріп отырған «Маңғыстау өңірлік электротораптық компаниясы» АҚ екенін атап өтті. Яғни акционерлік қоғам өңірдің экономикалық жағдайына үлкен үлесін қосып отырған мекеме болып табылады.
Бұдан бөлек өңірде туризм саласы дамып келе жатқаны тілге тиек етілді. Жылына облысқа 180 мыңдай турист келетін болса, алдағы жылдан бастап жағажай, криуздік, тарихи туризмді дамыту арқылы бұл көрсеткіш жылдан-жылға екі еседен бастап жоғарылату көзделуде. Партияның туризм саласы бойынша жоспарлы жұмыстарына орай облысымыз алдағы уақыттарда жылына 750 мыңдай турист қабылдайтындай жағдайға жетеді.
Онлайн форматтағы кездесу соңында қызметкерлер партияның жоспардағы жұмыстарымен толық таныса алғандарын жеткізіп, кандидаттарға сәттілік тіледі. Сайлауалды бағдарламаның 100 % орындалысын күтетіндіктерін айтып, аталмыш жұмыстар жүзеге асқаннан кейін облысымыз нағыз туристік орталығына айналатынына сенім білдірді.
«Nur Otan» партиясы Маңғыстау облысы Сайлау қорының қаражатынан төленді
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.