Ш.Есенов атындағы университінде спорттық алаңдар ашылды

Ш.Есенов атындағы Каспий мемлекеттік технологиялар және инжиниринг университетінде 6 жаңа спорттық ашық алаң қолданысқа берілді, - деп хабарлайды mangystaumedia.kz.

Салтанатты шараға Ақтау қаласының әкімі Нұрдәулет Қилыбай мен Олимпиада ойындарының екі дүркін күміс жүлдегері маңғыстаулық Әділбек Ниязымбетов қатысып, алаңның лентасын қиды. Сондай-ақ, Нұрдәулет Игілікұлы футбол добына автограф жазып, білім ордасына естелікке қалдырды.

Жалпы ауданы 4880 шаршы метрді құрайтын жобада 2 футбол, 2 теннис, және бір-бірден волейбол мен баскетбол алаңы жасақталған. Университет ректорының айтуынша, ашық алаң 6 ай уақыт ішінде салынған.

Бүгін тұңғыш Президент күніне орай университетімізде жаңа алаңдар ашылып жатыр. Елбасымыздың ең басты дені сау, бәсекеге қабілетті ұлт қалыптастырудағы ой-пікірлерін жақсы білесіздер. Ал университетімізде спорт мамандығы бойынша мыңға жуық студент білім алады. Сол себепті студенттеріміздің тәжірибесін арттыру үшін осындай мүмкіндік жасап отырмыз, - дейді Ш.Есенов атындағы университет ректоры Берік Ахметов.

Сондай-ақ, білім ордасының басшысы Берік Ахметов алдағы уақытта мұз айдыны мен стадион салу жоспарланып отқанын айтты.

Махаббат НҰРЖАНҚЫЗЫ

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.