Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
АРДАҚТЫ ҰСТАЗДАР!
ҚАДІРЛІ БІЛІМ САЛАСЫНЫҢ ҚЫЗМЕТКЕРЛЕРІ!
Білім көшін алға жылжытып келе жатқан сіздерді кәсіби мерекелеріңіз – Ұстаздар күнімен шын жүректен құттықтаймын!
Ұстаз – ұлағатты есім. Шәкірттерін білім нәрімен сусындатып, тәлім-тәрбие, адамгершілік рухта бағыт-бағдар беруде ұстаздың еңбегі ұшан-теңіз. Сондықтан ол әрдайым қадірлі тұлға ретінде ерекшеленеді.
Ұстаз ұлағатын ұлықтап, қадірі мен қасиетін құрметтеу парыз болса, олардың жағдайын жасап, мәртебесін көтеру – міндет. Мемлекет басшысы Қасым-Жомарт Тоқаев Қазақстан халқына арнаған алғашқы Жолдауында білім саласына, оның ішінде мұғалімдердің хал-ахуалына ерекше көңіл бөлу қажеттігін атап өтті. Бұл әрбір педагогке зор жауапкершілік жүктейді.
Мереке қарсаңында маңғыстаулық ұстаздарымыз республикалық «Үздік педагог» байқауының жеңімпазы атанды. Сонымен қатар, білім беру саласында табанды еңбек етіп, жоғары көрсеткішке жеткен бірқатар облыс мұғалімдерін арнайы құттықтадым.
Қымбатты ұстаздар!
Ұлттық тәрбие мен заманауи білімді ұштастырып, саналы ұрпақ тәрбиелеу – Сіздерге жүктелген абыройлы міндет! Ел мұраты жолында осы міндетті әркез адал атқарады деп сенеміз.
Баршаңызға зор денсаулық, шығармашылық жетістік, шаңырақтарыңызға бақ-береке тілеймін!
Құрметпен, Маңғыстау облысының әкімі С. Трұмов
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.