Жаңаөзен мен Mаңғыстау ауданында карантин режимі күшейтіледі

Бұл туралы МО қоғамдық коммуникация орталығында өткен брифингте МО ішкі саясат басқармасының басшысы Ержан Күмісқалиев хабарлады.

ҚР Президентінің Жарлығымен төтенше жағдай және карантин режимі 1 мамырға дейін созылғанын білесіз. Осыған орай, Маңғыстау облысында да карантин жағдайы айдың аяғына дейін жалғасады.

Бүгінгі брифингте бірқатар мәселелерге назар аударғым келеді.

1) Коронавирус инфекция шалдыққандар 12 адамға жетті, Ақтау қаласында 5 адам, оның 1 емделіп шықты, Жаңаөзен қаласында 4 адам, Маңғыстау ауданында 3 адам. Ауырғандардың өсімі карантин режімін жеңілдетуге мүмкіндік бермей отыр.

2) Маңғыстау ауданы мен Жаңаөзен қаласында Маңғыстау облысының Бас мемлекеттік санитарлық дәрігерінің қаулысымен карантин режімі қатаңдатылды. Ертеңнен бастап Жаңаөзен қаласы мен Маңғыстау ауданына аса қажетсіз баруға және шығуға болмайды. Тек қана азық-түлік, дәрі-дәрмек және медицианлық құралдар апаруға, облыс орталығында шұғыл медициналық көмекке жүгінуге рұқсат беріледі. Сонымен бірге, адам өліміне қатысты тікелей жақын тұмаларына баруға және өндіріске қажетті бұйымдармен қамтамасыз ету мәселелері жергілікті әкімдіктердің келісімі бойынша іске асырылады. Басқа жағдайларда кіріп-шығуға болмайды.

Осы екі елді мекендеріміздегі алынып жатқан шаралар жұқтыру деректерін азайту және инфекцияның таралмауы үшін жасалып жатыр.

3) Ақтау қаласындағы азық-түлік сататын гипермаркеттер мен базарларға адамдар өте көп келіп жатыр, бұл жағдай біздерді алаңдатады және қаладағы эпидемиологиялық жағдайды ұшықтыру мүмкін. Құрметті қала тұрғындары, аса қажетсіз гипермаркеттер мен базарларға барудан бас тартуыңызды сұраймыз. Тұрғын үйлеріңіз қасындағы дүкендер жеткілікті, ішіндегі ассортименттердің түрі бар. Бос себепсіз жүрулеріңізді тоқтатыңыз! Бір-біріңіздің, жақындарыңыздың денсаулықтарын ойлаңыз және осы уақытта қиыншылық пен азапты көріп отырған шағын бизнестердің өкілдері. Себебі мыңдаған кәсіптер тоқтады, табыстарынан айрылды, қызметкерлері жалақысыз қалды, мемлекетке салықтары азайды. Егер де тұрғындар осылай жүре беретін болса карантин мезгілі ұзара беретін болады және кәсікерлердің жағдайы өте күрделенеді.

«20 сәуірден кейін жағдай тұрақты болатын болса, тоқтатылған кәсіптерге рет-ретімен мүмкіндік беруді ойластырып отырық. Сондықтан бәріміз қатаң тәртіп сақтап, үйде отыруымыз қажет. Бір бірімізге қолдау болып, бір бірімізге үлгі болайық ағайын. Сөз соңында халқымыз үшін аянбай еңбек етіп жүрген медицина ұйымдарының қызметкерлеріне, полиция қызметіне және барлық ерікті топтарына, демеушілік көрсетіп жүрген барша жандарға ерекше алғысымды білдіремін», деді МО ішкі саясат басқармасының басшысы Ержан Күмісқалиев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.