«18 млн теңге пара алған»: Ақтау қалалық сотының төрағасы ұсталды

© ФОТО: МО соты

Ақтау қалалық сотының төрағасы Бауыржан Шайдуллин ұсталды. Ақпаратты Ulysmedia.kz тілшісіне Жоғарғы сот растады, деп хабарлайды mangystaumedia.kz.

– Растаймыз, – деген жауап келді Жоғарғы соттан.

Журналист Михаил Козачков судьяның 18 миллион теңге алған жерінен ұсталғанын хабарлайды. Оны ұстау үшін Жоғарғы соттың өзіндік қауіпсіздік қызметі мен Антикор жұмыс істеген.

– Осы ақшаға Ақтаудың бас биі экономикалық қылмыс жасады деп айыпталған сотталушылардың жазасын жеңілдетуге уәде берген, – деп жазады ол.

Журналистің жазуынша, Шайдуллиннің бұрын шығарған үкімдері де күмәнді. Мәселен, ол 185 келі марихуаннамен ұсталған адамды бір жарым жылға ғана соттаған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.