Бәйгеге 60-қа жуық жүйрік қатысып, үш бәйге түрінен бақ сынады, деп хабарлайды mangystaumedia.kz аудан әкімдігінің баспасөз қызметіне сілтеме жасап.
Бәйгенің өтуіне Мұнайлы ауданының әкімдігі және Маңғыстау облысы ұлттық спорт түрлері федерациясы қоғамдық бірлестігі ұйытқы болды.
Бәйге қорытындысы бойынша тай бәйгеде I орынды Алмас Еңсепов, II орынды Нұрислам Мейрамбекұлы, III орынды Жексенбай Ахметов иеленді. Құнан бәйгеде Мейрамбек Өтеміс I орын, Расул Романұлы II орын, Мансұр Романұлы III орын иегері атанды. Аламан бәйгеде Қуаныш Жолдасұлы I орын, Қолғанат Қолдасбайұлы II орын, Өтеген Меңдібай III орын алды.
18 шақырымдық аламан бәйгеде Қуаныш Жолдасұлы атты шабандоз Райхан есімді жүйрігімен бас жүлдеге ие болды.
Шабандоздың айтуынша, ауқымды бәйгеге екінші рет қатысып отыр.
- Атымның көңіл-күйі керемет, шабысы да жақсы. Бұл бәйгеге екінші рет қатысуым болса да, алғашқы орынды иеленемін деп ойламадым. Әлі талай жарыстарда топ жаруға ниеттімін. Мені қолдап келген барша жұртыма алғыс білдіремін,- деді шабандоз.
7 шақырымдық құнан бәйгеде Мейрамбек Өтеміс, ал тай бәйгесінде Расул Романұлы озып келді. Құнан бәйгеде талайды шаң қаптырған жануар иесінің ат баптап, бәйгеге қатысып жүргеніне 20 жылдан асқан. Осы уақыт ішінде 100-ден аса бәйгеге қатысып, жүлделі орындар алып үлгерген.
Бәйге соңында жеңімпаздарға мотоцикл, қой, ақшалай сыйлықтар мен марапат қағаздары табысталды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
