Саясаттанушы Данияр Әшімбаев: Маңғыстаудың жаңа әкімі қалай таңдалды

© Фото Ақорданың парақшасынан алынды

Саясаттанушы Данияр Әшімбаев өзінің телеграмм арнасында Нұрдәулет Қилыбайдың кандидатурасы қалай және не үшін таңдалғанды туралы бөлісті, деп хабарлайды mangystaumedia.kz.

Облыс әкімі Нұрлан Ноғаевтың отставкаға кеткені туралы хабарландырудан кейін әлеуметтік желілерде қызу талқыланған "Маңғыстау үшін тартыс" аяқталды.

Президент Әкімшілігінің басшысы Айбек Дәдебай (айтпақшы - премьердің дәстүрлі қатысуынсыз) өңір мәслихаттарының депутаттарына Мемлекет басшысы айқындаған екі кандидатураны ұсынды. Бірі 46 жастағы "Өзенмұнайгаз" АҚ компаниясының бас директоры Нұрдәулет Қилыбай болса, екінші үміткер 37 жастағы Ақтау қаласының әкімі Ұлықбек Тінәлиев болды. 96 депутат бірінші кандидатураны, 17 депутат екінші кандидатураны қолдады.

Осылайша, 1990 жылы облыс қайта құрылғаннан бері Маңғыстау облысының 13-ші басшысы тағайындалып отыр.

Айбек Дәдебай Президенттің тікелей қолдауымен бұрынғы басшылықтың жұмысын да атап көрсетті. Оның айтуынша, соңғы 5 жылда облысқа 3,6 трлн теңгеден астам инвестиция салынған. Бұл жаңа жұмыс орындары мен экономикалық өсуді қамтамасыз етті. Өңірде ондаған жаңа әлеуметтік нысандар салынып жатыр. Атап айтқанда, "Жайлы мектеп" ұлттық жобасы аясында 22 мың оқушыға арналған 21 мектептің құрылысы басталды. Бұл халық саны қарқынды өсіп жатқан Маңғыстау облысы үшін өте маңызды.

Жаңа әкімге экономикалық өсу мен жаңа жұмыс орындарының көрсеткіштерін екі есеге арттыру тапсырылды. Президент Әкімшілігінің басшысы Айбек Дәдебай Президент Қ.Тоқаевтың облыс басшылығының алдына "инвестициялық ахуалды жақсарту, жаңа өндірістер құру, көліктік-логистикалық және туристік әлеуетті дамыту, тұрғындарды сапалы ауыз сумен қамтамасыз ету, инфрақұрылымды жаңғырту, экологиялық проблемаларды шешу, құрылыс саласын оңтайландыру бойынша міндеттер қойылғанын" атап өтті.

Нұрдәулет Қилыбай Бейнеу ауданының тумасы. Ол кәсіби теміржолшы. Сондай ақ мемлекеттік қызметте үлкен тәжірибесі бар. Нұрдәулет Игілікұлы еңбек жолында ҚТЖ басқарушы директоры қызметін атқарды, екі рет Көлік және коммуникация министрлігінің Көлік және қатынас жолдары комитетін басқарды, Маңғыстау жол бөлімшесінің директоры, "Жолаушылар тасымалы" АҚ және "Теміржолсу" бас директоры болды.

2018 жылдың соңында (Тоғжановтың тұсында) Маңғыстау облысы әкімінің орынбасары болды. 2020 жылдың маусым айында (Трұмовтың тұсында) Ақтауды басқарды. 2022 жылдың қазан айында (Ноғаевтың тұсында) облыс әкімінің орынбасары болып қайта тағайындалды. 2023 жылдың қаңтарында "Өзенмұнайгаз" АҚ басқарды. Мұнда кәсіби тәжірибе ғана емес, көшбасшылық қасиеттер, қарым-қатынас және "аймақты жақсы білу" қабілеті маңызды. Қилыбай бірнеше рет жергілікті ереуілшілермен келіссөздерге қатысып, қажет болған жағдайда қатаң ұстанымға ие болып, келісімге келе білу қабілетін көрсетті.

Ол экс-әкім сияқты саясатта “салмағы” бар саясаткер болмағанмен, бірақ өте жақсы қалыптасқан саясаткер және менеджер. А.Дәдебай әкімді таныстырып, оған Мемлекет басшысының тапсырмаларын бере отырып, Н. Қилыбайды тәжірибелі басшы деп атады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.