Мұнайлы тұрғынын тексеру кезінде есірткі өнімдері табылды

Маңғыстау тұрғынынын тексеру кезінде оның сөмкесінен есірткі заттары табылды, деп хабарлайды mangystaumedia.kz облыстық ПД баспасөз қызметіне сілтеме жасап.

7 ақпан күні сағат 12:50 шамасында облыста өткізіліп жатқан “Anti fraud” жедел-алдын алу іс-шарасы аясында келіп түскен жедел ақпаратқа сәйкес, Мұнайлы ауданы Атамекен ауылының 46 жастағы азаматын тексеру кезінде целлофан пакетке оралған 2 дана “марихуана” есірткі заты тәркіленді.

Күдіктінің үй-жайын одан әрі тінту барысында оған тиесілі сөмкенің ішінен 10 дана “марихуана” табылып, полицейлермен тәркілеп алынды. Алынған заттардың салмағы 416 грамды құраған.

Аталған дерекке сәйкес қылмыстық кодекстің 296-бабы (есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша Мұнайлы ауданы полиция бөлімінің сотқа дейінгі тергеп-тексерудің бірыңғай тізілімінде тіркелді. Өзге ақпарат тергеу мүддесі үшін жария етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.