Маңғыстауда жасөспірім қызды зорлап келген азамат 22 жылға сотталды

Маңғыстау облысының қылмыстық істер жөніндегі мамандандырылған ауданаралық сотында жасөспірімді зорлау және оған қатысты сексуалдық сипаттағы зорлық-зомбылық әрекеттерін жасағаны үшін айыпталған азаматқа қатысты қылмыстық іс қаралды, деп хабарлайды mangystaumedia.kz.

Сотпен анықталғаны -
Сотталушы П. 2023 жылдың тамыз айынан қараша айы аралығында жасөспірім жәбірленушінің дәрменсіз жағдайын пайдаланып, оны бірнеше рет зорлап жыныстық қатынасқа түскендігі анықталды. Оған қатысты сексуалдық сипаттағы зорлық-зомбылық әрекеттерін жасағандығы анықталды.

Сотталушының кінәсі куәлердің берген жауаптарымен, заттай дәлелдермен, сарапшылардың қорытындыларымен және тергеу әрекеттерінің хаттамаларымен толық дәлелденді.

Сот сотталушыны ҚК-тің 120-бабының 4-бөлігінде, 121-бабының 4-бөлігінде көзделген қылмыстық құқықбұзушылықтар жасағаны үшін кінәлі деп танып, педагогикалық лауазымдарды атқару және кәмелетке толмағандармен жұмыс істеумен байланысты лауазымдармен айналысу құқығынан өмір бойына айырды. ҚК-нің 58-бабының 4-бөлігін қолданып, тағайындалған жазаларды ішінара қосу жолымен, түпкілікті 22 жыл мерзімге бас бостандығынан айыру жазасын тағайындады.

Сот үкімі заңды күшіне енген жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.