Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстауда үш инвестициялық жобаны іске асыру аясында 3 мыңнан астам тұрақты және құрылыс кезеңінде 9 мыңнан астам жұмыс орнын құрылады, - деп хабарлайды mangystaumedia.kz Маңғыстау облысы әкімінің баспасөз қызметіне сілтеме жасап.
Маңғыстау облысында инвестиция тарту соңғы жеті жылда 88 пайызға өскен, соның аясында ондаған жоба орындалуда. Облыста жалпы 900 миллиард теңгеден астам қаржыға 32 инвестициялық жоба пулы қалыптасты.
Бұл ретте облыста ірі инвестициялық жобаларды жүзеге асыру жұмыстары жүргізілуде, соның бірі – "Қаламқас-теңіз, Хазар, Әуезов" кен орындарын игеру. Жобаны жүзеге асыру $6 млрд тартады.
Жобаны ұйымдастырудың бастапқы кезеңінде 2000 жұмыс орны ашылады. Өндіріс 2028 жылы басталып, жылына 4 млн тонна мұнай өндіру жоспарланып отыр.
Жобалау жұмыстары 2023 жылы басталады, ал келесі жылдың соңында болат құрылымдардан теңіздегі кешен платформаларынның құрылысын салу жоспарланған. Кешен жағалаудан 64 шақырым жерде "Қаламқас-теңіз" құрылымында орналасады.
Инвестиция тартуға бағытталған тағы бір жоба - полипропилен өндірісі. Облыс әкімдігі полипропилен шығаратын жаңа зауыт құру мәселесін пысықтау үшін әлеуетті инвесторлармен келіссөздер жүргізуде.
Жоба «KMG PetroChem» компаниясының бастамасымен «Жаңа полипропилен қондырғысының құрылысы» жобасын зерделеу бойынша жұмыстар басталды. Келіссөздер оң нәтиже берген жағдайда 2026 жылы 1 млрд АҚШ долларын тарта отырып, зауыт іске қосылады деп жоспарланып отыр. Құрылысқа 3 мыңға дейін адам тартылса, нысан пайдалануға берілгеннен кейін 800 тұрақты жұмыс орны ашылады.
Сонымен қатар Маңғыстауда ірі жобаның бірі – 980 млн АҚШ долларын құрайтын металлургиялық зауыт.
Жобаға "YDA" түрік компаниясы бастамашы болды. Зауыт үшін «Ақтау теңіз порты» АЭА аумағы қарастырылған. Келіссөздер нәтижесінде жобаның бірігші кезеңі 2026 жылы іске қосылады. Жаңа зауытта 2500 жаңа жұмыс орны құрылады, ал оның құрылысына 6000 адамды жұмысқа тарту жоспарлануда.
Осылайша, үш жоба арқылы облыс экономикасына шамамен 8 миллиард АҚШ долларын немесе 3,6 триллион теңгеге жуық қаражат түседі. 3 мыңнан астам тұрақты және 9 мыңнан астам уақытша жұмыс орындарын ашуға мүмкіндік береді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.