Маңғыстауда түн тыныштығын бұзған 500-ге жуық адам жазаланды

Өңірде жыл басынан бері учаскелік полицейлер ҚР ӘҚБтК-нің 408-бабы бойынша 20 деректі тіркеді (ауыл шаруашылығы жануарларын жаю қағидаларын бұзу). Осы Кодекстің 438-бабы бойынша, яғни арнайы қызметтерді көрінеу жалған шақырту үшін 18 азамат әкімшілік жауапкершілікке тартылды, деп хабарлайды mangystaumedia.kz облыстық ДП-ға сілтеме жасап.

Бұдан басқа, әкімшілік кодекстің 434-бабын бұзғаны үшін ұсақ құқық бұзушылықтарға жол берген 14 адам және 434-2-бапқа сәйкес қоғамдық орындарды ластаған 309 адам анықталды. 490 азамат тыныштықты бұзғаны үшін жауапқа тартылды. Оларға қатысты ҚР ӘҚБтК-нің 437-бабы бойынша хаттамалар жасақталды Сондай-ақ, Әкімшілік құқық бұзушылық туралы Кодекстің 440-бабы бойынша учаскелік полиция инспекторлары қоғамдық орындарда алкогольдік ішімдіктерді тұтынудың 374 фактісін анықтады. Әкімшілік кодекстің 505-бабы бойынша, яғни қалалар мен елді мекендердің аумақтарын абаттандыру қағидаларын бұзу, сондай-ақ қалалар мен елді мекендердің инфрақұрылым объектілерін бұзу, жасыл желектерді жою және бүлдіру бойыншв бір айда 576 адам жауапкершілікке тартылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.