Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстауда 2023 жылдың 10 айында АИТВ-инфекциясын 50 адам жұқтырған. Бұл туралы Қоғамдық коммуникация орталығында өткен брифингте Маңғыстау облыстық АИТВ-инфекциясының алдын алу орталығының директоры Асқар Сағымбаев айтты, деп хабарлайды mangystaumedia.kz.
Спикердің айтуынша, өңірде 2023 жылдың есептік кезеңінде аурудың 50 жағдайы тіркелсе, 2022 жылдың сәйкес кезеңінде АИТВ-инфекциясының 67 жағдайы есептелген. Қазақстан Республикасының азаматтары арасында аурушаңдық деңгейі 12 жағдайға төмендеді. Осыған орай, 2023 жылдың 9 ай қорытындысы бойынша АИТВ инфекциясына 115859 талдау жүргізілді.
-Талдау нәтижесінде 2023 жылдың 9 айында 50 жағдай анықталды. АИТВ-инфекциясының қалалар мен аудандар бойынша тіркелуі: Ақтауда -27, Бейнеу ауданында -4, Жаңаөзенде -5, Қарақия ауданында-2, Мұнайлы ауданында -10, Түпқараған ауданында-2 жағдай тіркелген. Сонымен қатар, Маңғыстау облысында 2023 жылғы 20 қараша мен 1 желтоқсан аралығында «Көшбасшылық – қауымдастықтарға» ұранымен Дүниежүзілік ЖИТС-ке қарсы күрес күніне арналған науқан өткізілді. Сондай-ақ, ауруды жұқтыру жолдарының 70%-ы жыныстық қатынас арқылы, сондай-ақ анадан балаға а және қан арқылы (операция), ине алғанда жұғу мүмкіндігі бар.
Айта кетейік, аталған аурудың алдын алу мақсатында сақтық шараларын ұстану қажет. Дәрігерге уақытылы тексерілу өте маңызды екенін ескерген жөн.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.