2023 жылғы қаңтар–қарашада кәсіптік, ғылыми және техникалық қызмет саласындағы негізгі капиталға инвестиция 77,6 млрд теңгеге жетті, бұл бір жыл бұрынғыдан ақшалай 70,5% көп, деп хабарлайды mangystaumedia.kz ranking.kz сайтына сілтеп.
Өңірлер бойынша кәсіптік, ғылыми және техникалық қызмет саласындағы негізгі капиталға салынған инвестицияның ең көп көлемі Алматы қаласына тиесілі: 17,9 млрд теңге — бір жыл бұрынғыдан ақшалай 2 есе көп.
Маңғыстау облысы екінші орында: 17,8 млрд теңге — бір жыл бұрынғы сәйкес кезеңмен салыстырғанда 8,5 есе көп. Үздік үштікке Астана тұрақтады, 16,1 млрд теңге, жылдық өсім 56,1%. Республика бойынша секторға салынған барлық күрделі салымдардың 66,7%-ы осы үш өңірге тиесілі.
Ең төменгі көрсеткіш Солтүстік Қазақстан облысында тіркелді: небәрі 48,2 млн теңге. Одан бөлек Павлодар мен Жетісу облыстарында да көрсеткіш аз.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
