Қарақия ауданында білім саласының үздіктері марапатталды

Қарақия ауданында «Жыл қорытындысы-2022» шарасы өтіп, білім саласының үздіктеріне арнайы аталымдар бойынша сыйлықтар табысталды, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Игі шарада орта білім беру ұйымдарының қызметкерлері мен басшыларының кәсіби және жеке тұлғалық өсуін ынталандыру, ауданның орта білім беру жүйесінің даму үрдісін анықтау мақсатында ұйымдастырылды. Қарақия ауданы бойынша білім бөлімінің басшысы Қалбибі Беккалина құттықтап, жыл қорытындысы бойынша білім беру ұйымдарын марапаттады.

Жалпы білім беретін мектептер арасында «Үздік білім беру ұйымы» номинациясымен «Жалпы білім беретін мектеп-гимназия», «Білім шыңы» номинациясымен «№4 жалпы білім беретін мектеп, «Зерделі зейін» номинациясымен №7 жалпы білім беретін мектеп, «Спорт саңлағы» номинациясымен №5 жалпы білім беретін мектеп марапатталды.

Ал мектепке дейінгі ұйымдар арасында «Үздік білім беру ұйымы» номинациясы «Ғарышкер» бөбекжайына, «Үздік идеялар жаршысы» номинациясы «Құлыншақ» балабақшасына, «Шығармашыл ұйым» номинациясы «Айналайын» бөбекжайына берілді.

Ауданның білім саласында ұзақ жылдар еңбек еткен тәжірибелі, шығармашыл ұстаздарға аудан әкімі атынан құттықтауды аудан әкімінің орынбасары Манар Төлегенов табыстады. Іс-шара концерттік бағдарламамен жалғасты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.