Баяндыда қоқыс қалдықтарын көметін полигонда өрт шықты

Кеше сағат 02:20 шамасында Мұнайлы ауданы, Баянды ауылы аумағында орналасқан қатты тұрмыстық қалдықтарды көму полигонының №3 картасында өрт шықты, - деп хабарлайды mangystaumedia.kz.

Өрт аумағы 400 шаршы метрді құрады. Таңғы 04:40 шамасында жалындаған өрт толықтай сөндірілген.

«Мұнайлы аудандық ТЖД бөлімі мен аудандық әкімдік тарапынан 6 жүк тасымалдағыш, 5 жүктиегіш, 5 дана су тасымалдайтын автокөлік және 4 дана өрт сөндіру көлігі жұмылдырылған.

Қазір өрт болған аумақтан шыққан түтінді топырақпен көму жұмыстары жалғасып жатыр», - деді Мұнайлы ауданы әкімінің орынбасары Нұрхан Мұстафаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.