Ақтауда түнгі уақытта алкоголь өнімін сатқан кәсіпкерге айыппұл салынды

Ақтау қаласының әкімшілік құқық бұзушылықтар жөніндегі мамандандырылған соты жеке кәсіпкер «Т»-ға қатысты ӘҚБтК-нің 200-бабының 3-бөлігінде көзделген әкімшілік құқық бұзушылық істі қарады, деп хабарлайды mangystaumedia.kz.

Сотта анықталғандай, жеке кәсіпкер «Т» Ақтау қаласының 8 шағынауданда орналасқан дүкенінде 21 ақпан 2024 жылы сағат 23:50 шамасында алкоголь өнiмін сатқан.

«Сот қаулысымен жеке кәсіпкер «Т» ӘҚБтК-нің 200-бабының 3-бөлігінде көзделген құқық бұзушылық жасағаны үшін кінәлі деп танылып, оған 147 680 теңге әкімшілік айыппұл салынып, алкоголь өнімін сақтауға, сатуға берілген қызмет лицензиясының қолданысы 1 айға тоқтатылды», деп мәлімдеді соттың баспасөз қызметі.

Қаулы заңды күшіне енген жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.