Ақтауда сантехникті тоқ соғып қайтыс болды

Бұл оқиға 28 қазанда 17ш/а №3 үйде болған. «Каспий Тауэрс Сервис» коммуналдық кәсіпорнының қызметкері су басқан жертөледе жұмыс істеу барысында электр тоғы ұрып, қаза тапты, деп хабарлайды mangystaumedia.kz сайты.

Қоңырауға жедел-тергеу тобы барды. Оқиға салдарынан 29 жастағы ер адам жедел жәрдем келгенше көз жұмды.

Аталған дерек Қазақстан Республикасы Қылмыстық кодексінің 156-бабы бойынша Ақтау қаласы СДТБТ тіркеліп, сараптама тағайындалды. Өзге мәліметтер тергеу мүддесі үшін жарияланбайды.

Айта кетейік, марқұмның артында төрт баласы қалды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.