Облыста журналистер марапатталды

Кеше «Достық үйі» ғимаратында МО Қазақстан халқы Ассамблеясы ел Тәуелсіздігінің 30 жылдығына және БАҚ күніне орай ұйымдастырылған облыстық «Шаңырақ» шығармашылық байқауының қорытытындысы жарияланды, деп хабарлайды mangystaumedia.kz.

Байқауға журналистика саласындағы мамандар қатысуға өтінім білдірді. Байқауда 20 журналист 70-ге жуық жұмыс ұсынды.

Әділқазылар алқасы құрамында МО ІСБ жанындағы «Қоғамдық комумуникация орталығы» КММ басшысы Әсел Ауданбаева, «Алан» этномәдени бірлестігінің төрағасы Фатима Биркле және журналист (зейнеткер) Петр Долматов болды. Әділқазылардың шешімімен байқаудың қорытындысы төмендегідей нәтиже көрсетті:

• «Маңғыстау-Медиа» ЖШС тілшісі Умерзакова Олеся - ҚР Тәуелсіздігінің 30 жылдығына арналған үздік материал;
• «24.kz» телеарнасының тілшісі Степанова Тамара - Қоғамдық келісім мен жалпыхалықтық бірліктің қазақстандық моделінің мәнін ашуға арналған үздік талдамалық материал;
• «Қазақстан» РТРК» АҚ МОФ редакторы Мусаев Мереке - Ассамблея мен оның құрылымдарының қызметін ашып көрсететін үздік материал;
• Облыстық «Маңғыстау» телеарнасының редакторы Қуаналиева Лаура -"Ұлы Даланың жеті қыры" бағдарламалық мақаласының тарихи сананы қалыптастыру мән мәтініндегі негізгі бағыттарына арналған үздік материал;
• «Deutsche Allgemeine Zeitung-Asia» ЖШС тілшсі Шинкаренко Дмитрий -Қайырымдылықты дамыту тақырыбына арналған үздік материал;
• «Маңғыстау» телеарнасының тілші-редакторы Сәтенбаева Индира -«Қазақтану» мәдени-ағартушылық жобасының негізгі бағыттарын ашатын үздік материал
• «Қазақстан» РТРК» АҚ МОФ редакторы Пірназарова Замира -«Болашаққа бағдар: рухани жаңғыру» бағдарламалық мақаласының негізгі бағыттарына арналған үздік материал;
• Облыстық «Маңғыстау» газеті бас редакторының орынбасары Қозыбақова Валентина - Мемлекеттік тілді насихаттау және оның қолданылу аясын кеңейту мәселесіне арналған үздік материал:
• «Хабар Агенттігі» АҚ Маңғыстау корпунктінің жетекшісі Әділ Талғат - Ұлттар достастығы тақырыбына арналған үздік материал.

Байқауда жүлделі орын алған қатысушылар МО ішкі саясат басқармасының басшысы Аманғали Нұрдаулетов атынан арнайы Алғыс хатпен марапатталып, ақшалай сыйлықтар мен гүл шоқтары табысталды.

Сонымен бірге Кішенова Мөлдір, Жанарбергенова Арайлым, Жұмасат Шынар, Дусалиев Ренат, Бекбаев Саламат облыстық «Шаңырақ» шығармашылық байқауына қатысып белсенділік танытқаны үшін марапатталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.