Маңғыстауда Жастар күні қалай тойланады?

Биыл Маңғыстау облысында 12 тамыз Халықаралық жастар күні ерекше аталып, «Жастармен бірге» ұлттық онкүндігі аясында шаралар ұйымдастырылады, - деп хабарлайды mangystaumedia.kz сайты.

Аймақтағы жастар ресурстық орталықтары мен үкіметтік емес ұйымдар 10 күн ішінде түрлі бағыттағы шаралар өткізуді жоспарлап қойған. Атап айтқанда, 3 тамыз күні өңір жастары «Таза Қазақстан» жалпыхалықтық науқаны аясында «Taza Like» экологиялық акциясын ұйымдастырады. 4 тамызда «Жас келсе, іске!» атты мектеп түлектері үшін техникалық және кәсіптік білім беру ұйымдарының ақпараттық кеңес беру шарасы өтеді.

5 тамыз - «Денсаулық – зор байлық» күні. Бұл күні Маңғыстау облысының жастар ресурстық орталығының ұйымдастыруымен «Маңғыстау арена» спорт кешенінде шағын футболдан «Теңбіл доп» турнирі өтеді. Турнирге базар жастары қатысады. Ал Жаңаөзен қалалық жастар ресурстық орталығы жас дизайнерлерді оқытуға бағытталған «ZHAS DESIGNER» офлайн курсын өткізеді.

6 тамызда «Жеті жұрт» қоғамдық қоры тоғызқұмалақ ойындарынан облыстық жастар чемпионатын ұйымдастырса, «Әсер» қоғамдық қоры ерекше қажеттілігі бар жастар мен жасөспірімдерге арналған қысқа мерзімді курсы басталады.

Ал 7 тамыз күні Жастар орталығында Маңғыстау облысының волонтерлеріне арналған «QOLDAU» фронт офисінің салтанатты ашылуы өтеді.

Сонымен қатар Жастар күні қарсаңында өңірдегі стартапшыларға қолдау көрсетіп, ынталандыру үшін мақсатында «Mangystau Jastar Startup – 2024» стартап байқауы ұйымдастырылады. Байқау 8 тамыз күні Holiday Inn Aktau – Seaside конференция залында «Алаш арманы» ҚҚ бастамасымен өтеді.

Сондай-ақ дәл осы күні Жаңаөзен қаласының әкімі белсенді жастармен кездесіп, марапаттайды.

9 тамыз «Еңбек бәрін жеңбек»қағидатына негізделген. Бұл күні Амфитеатр алаңында «Career Day»
бос жұмыс орындар жәрмеңкесі, Жаңаөзендегі «Арбат» алаңында «Жас кәсіпкерлер жәрмеңкесі/көрмесі», сонымен қатар Бейнеуде республикалық «Жайдарман» ойындары өтеді.

10 тамыз «Ыстық қайрат, нұрлы ақыл, жылы жүрек» тұжырымдамасына сәйкес, Ақтауда өңір жастарының рухани кеші ұйымдастырылады. Ал Жетібайда ауыл жастарына арналған коворкинг орталығы пайдалануға беріледі.

11 тамыз күні Ақтауда «Қорған – 2024» акциясы аясында қоғамдық рейд болады. Мұнайлы орталық алаңында «Мұнайлы Fest – 2024» жастар кеші өтсе, Жаңаөзенде «Жастар Fest – 2024» гала концерті ұйымдастырылады.

12 тамыз «№7 спикер» инттелектуал конференциясы өтеді. Сонымен қатар Амфитеатр алаңында Open Air форматындағы «JastarWeek» жастар кешімен жалғасады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.