Ақтауда халықаралық бизнес-форум өтеді

Ақтау қаласында 15 қараша күні сағат 11.00-де «Достық үйінде», «АРМАНДА» халықаралық білім бизнес-форумы өтеді, деп хабарлайды mangystaumedia.kz

«АРМАНДА» — қоғам қайраткерлерін, меценаттарды және барлық мүделлі қазақстандықтарды біріктіретін форум.

Форум өз мақсатымен қазақстандық қоғам үшін ең өзекті тақырыптар: білім беру, отбасылық құндылықтарды сақтау, жастардың рухани және әлеуметтік дамуы бойынша салауатты пікірталас алаңын құруды көздейді.

Ақтау қаласында өтетін форумға танымал медиа тұлғалар қатысады:
Қазақстанның еңбек сіңірген қайраткері, бизнесмен, психология ғылымының кандидаты, медиа-менеджер, тележүргізуші мен қоғам қайраткері – Арман Давлетяров.
Әйгілі айтыскер ақын, тележүргізуші, «Сөз менеджменті» кітабының авторы – Жандарбек Бұлғақов.
Қазақстанға танымал еркін күресші, 2000 жылғы XXVII жазғы Олимпиядалық ойындарының күміс жүлдегері, ҚР еңбек сіңірген спорт шебері, «Парасат» және ІІІ дәрежелі «Барыс» ордендерінің иегері – Ислам Байрамуков.

«АРМАНДА» білім бизнес-форумы тек арман туралы ғана емес, ол білім, мақсат, әрекет, қозғалыс, қуат, еңбек және нәтиже туралы шара болмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.