Nur Otan: Cәби сүйе алмай жүрген отбасыларға 2021 жылдан бастап квота бөлінеді

«Nur Otan» партиясы үгіт-насихат науқанының 2-ші кезеңі бастады. Бұл ретте билеуші партияның алдағы 5 жылға арналған жоспарлары, сондай-ақ өңірлік праймериз қорытындысы бойынша кандидаттар тізіміне енген аймақтық көшбасшылар туралы егжей-тегжейлі ақпарат қамтылған 2 млн-нан астам үгіт өнімдері таратылады.

23 желтоқсан облыстық сайлауалды штаб басшысы Елубай Әбілов бастаған топ Жаңаөзен қалалық орталық ауруханасында экспромт-кездесу өткізді. Алдымен «Covid-19» індетінің өршіп тұрған шағында халықтың өмірін аман-есен сақтап қалу үшін айлап аурханада түнеген абзал жандардың еңбегін елеп, барша медицина саласы қызметкерлеріне алғыс айтты. Бұл індет әлі де арамыздан жоғала қоймағанын жеткізіп, сақтық шаралары сақталатынын атап өтті.

Партияның сайлауалды бағдарламасының «Әлеуметтік бағытталған қала» атты басым бағытында қаладағы медициналық қызмет көрсету сапасын арттыру қарастырылған. Денсаулық сақтау саласында кадр тапшылығы жоқ емес. Оған қоса ауруларды ерте диагностикалау мен дәрі-дәрмекпен қамтамасыз ету проблемасы бар.

Бұл орайда партия цифрландыру саясатын алға қойып отыр. Онлайн-медицинаны дамытып, қызметтің қолжетімділігін арттырмақшы. 2021 жылы «Ақбұлақ», «Мерей», Қызылсай ауылында дәрігерлік амбулатория құрылысы басталады. Жедел жәрдем станциясының Қызылсай, Теңге, Рахаттан модульді қосалқы станциясын салу және автопаркін жаңарту (20 көлік), терапевтік корпус ғимаратының құрылысын аяқтау, материалдық-техникалық базаны кезең-кезеңімен жаңарту жұмыстары тағы бар.

Сала мамандарын ауылдық аймақтарға тарту, тұрғын үймен қамтамасыз ету, қажетті кадрларды шақырту, жас мамандарға жағдай жасау, дәрігерлерді халықаралық тәжіриеге оқыту іс-шаралары 5 жыл ішінде тұрақты түрде жүзеге асып отырады. 2021 жылдан бастап жүзеген асатын «Аңсаған сәби» бағдарламасы аясында сәби сүйе алмай жүрген отбасыларға квота бөлінеді.

Сайлауалды бағдарламадағы жаңалықты жұмыстарға риза болған аурухана ұжымы, сәбилі бола алмай жүрген отбасылар үшін қуанышты екендерін жеткізді. Бұл көмектің арқасында көп отбасының бақыты еселенбек. Кандидаттарға сәттілік тіледі.

«Nur Otan» партиясы Маңғыстау облысы Сайлау қорының қаражатынан төленді

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.