Ақтауға ПТР-анықтамасыз ұшып келген британдық Қазақстаннан депортацияланды

Ақтау қаласына коронавирусқа ПТР-анықтамасыз ұшып келген Ұлыбритания азаматы еліне қайтарылды, деп хабарлайды ҚазАқпарат.

«24 қазан күні Ақтау қаласының әуежайынан ПТР-анықтамасы болмаған Ұлыбритания азаматы депортацияланды.

Сондай-ақ, 24 қазан түнінде 9 рейспен 1158 адам ұшып келген. Соның ішінде 951 жолаушының ПТР-анықтамасы болған, Қазақстанның 207 азаматында анықтама болған жоқ.

Рейстердің:

- 4-еуі Нұр-Сұлтан қаласына (471 жолаушы, оның 385-інде анықтама болды, 86 адам анықтамасыз);

- 4-еуі Алматы қаласына (588 жолаушы, оның 472-сінде анықтама болды, 116 адам анықтамасыз);

- 1-еуі Ақтау қаласына (99 жолаушы, оның 94-інде анықтама болды, 5 адам анықтамасыз) жасалды», - деп хабарланды ведомствоаралық комиссияның Telegram-каналында.

Анықтамасыз ұшып келген Қазақстан азаматтары ПТР-талдау тапсыру үшін Нұр-Сұлтан, Алматы және Ақтау қалаларындағы карантин стационарларына орналастырылды. Жолаушылар Түркия, БАӘ, Беларусь, Мысырдан халықаралық әуе рейстерімен ұшып келген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.