Маңғыстаулық ұстаздар үздіктер қатарында

Мұғалімдердің кәсіби мерекесі қарсаңында облыс әкімі Серікбай Трұмов ұстаздар қауымын кәсіби мерекелерімен құттықтап, білім беру саласында табанды еңбек етіп, жоғары көрсеткішке жеткен мұғалімдерді марапаттады. Бұл туралы Маңғыстау облысы әкімінің баспасөз қызметі хабарлады.

«Ыбырай Алтынсарин» төсбелгісімен:

Жаңаөзен политехникалық колледжінің директоры Тілектес Болатбаева, Маңғыстау туризм колледжінің директоры Мирсат Измухаммедов тарапатталды.

«Қазақстан Республикасының білім беру ісінің құрметті қызметкері» төсбелгісімен:

Мұнайлы ауданы №9 орта мектебінің музыка пәні мұғалімі Марат Ордабаев және Маңғыстау өнер колледжінің домбыра пәні оқытушысы- Айжан Аманжолова марапатталды.

Маңғыстау облысы әкімінің Құрмет грамотасымен:

Бейнеу ауданы Қарақұм орта мектебінің тарих-құқық пәні мұғалімі- Жайнагүл Бисенғалиева, Маңғыстау ауданы Алшын Меңдалыұлы атындағы орта мектептің бастауыш сынып мұғалімі Манура Есенғазиева, Ақтау қаласының №2 арнайы жалпы білім беру мектебінің бастауыш сынып мұғалімі Жәмилә Кенжебекова, Мұнайлы ауданы №1 орта мектептің орыс тілі мен әдебиеті пәні мұғалімі Ақмарал Лұқпанова, Қарақия ауданы №7 орта мектептің қазақ тілі мен әдебиеті пәні мұғалімі Айжан Мұқашева.

Маңғыстау облысы әкімінің Алғысымен:

Бейнеу ауданы Сыңғырлау мектеп-балабақша кешенінің алғашқы әскери дайындық пәні оқытушы-ұйымдастырушысы Жанболат Тұрақов,

Түпқараған ауданы Маршал Әбдіхалықов атындағы мектеп-гимназиясының бастауыш сынып мұғалімі Гүлжамал Көкен,

Жаңаөзен қаласы №12 бастауыш мектебінің бастауыш сынып мұғалімі Наурызгүл Лұқпан, Ақтау қаласы №10 орта мектебінің орыс тілі мен әдебиеті пәні мұғалімі Гүлнар Балдаирова, Жаңаөзен «Білім-инновация» лицейінің физика пәнінің мұғалімі Райымбек Қанатов марапатталды.

Ұстаздар бас қосқан жиында аймақ басшысы Серікбай Трұмов: «Ұстаз – ұлағатты есім. Шәкірттерін білім нәрімен сусындатып, тәлім-тәрбие, адамгершілік рухта бағыт-бағдар беруде ұстаздың еңбегі ұшан-теңіз. Сондықтан ол әрдайым қадірлі тұлға ретінде ерекшеленеді. Баршаңызды мерейлі мерекелеріңізбен шын жүректен құттықтаймын! Жұмыстарыңызға абырой тілеймін! Біліммен баулып, биікке ұшыратын оқушыларыңыздың оқуда озат, өмірде патриот болуына тілектеспін! Мәртебелеріңіз асқақтап, абыройларыңыз арта берсін! Отбасыларыңызға есендік, телегей табыс, зор денсаулық тілеймін!» - деді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.