Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
«Таза Каспий» акциясына Маңғыстау облыстық суасты аңшылығы федерациясының негізін қалаушы Мәміл Бисенқұл мұрындық болған. Шара облыстық табиғи ресурстар және табиғат пайдалануды реттеу басқармасының ұйымдастыруымен теңіздің халықаралық күніне арналды.
Тазалық жұмыстарына суасты аңшылығымен айналысушы жергілікті 20 тұрғын қатысты. 10 адамнан құралған бірінші топ 4А ықшамауданы маңындағы суды қоқыстан тазартса, екінші топ өзінің жұмысын «Самал» қонақүй кешені маңынан бастаған. Су астынан шыққан қоқыс «I love Aktau» жазуының қасына жиналды.
Шәміл Темірханұлының айтуынша, пластик шөлмек, дөңгелек, ау, шыны ыдыстар сияқты көптеген нәрседен құралған қоқыстың жалпы салмағы шамамен 3 тоннадай болған, делінген МО ҚКО таратқан ақпаратта.
Ұйымдастырушылар атқарылған акция арқылы жергілікті тұрғындарды Каспийдің экологиялық мәселелеріне назар аударуға шақырады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.