Жетібай ауылында жаңа мектеп пен оқушылар орталығы ашылады

Жаңа оқу жылында Қарақия ауданы Жетібай ауылында үш ауысымдық мектептердің мәселесін шешу мақсатында 300 орындық №9 бастауыш мектебі мен 250 орындық «Оқушылар орталығы» ашылады деп жоспарланған. Бұл туралы Қарақия аудандық білім бөлімінің басшысы Қалбибі Беккалина айтты. Оның айтуынша, жаңа мектеп пен орталық ашылғаннан кейін 50-ге жуық маманды жұмыспен қамту жоспарланған.

«Балалардың бос уақытын тиімді пайдалану мақсатында ашылатын орталықта 6 бағытта 12 үйірме болады. Орталықтың өзіне тән ерекшелігі бар. Ұлттық құндылықты насихаттау мақсатында арнайы «Ағаш және тері бұйымдарымен жұмыс» үйірмесі ашылады. Оқушылар орталығы 1-11 сынып оқушыларын қабылдайды. Оқу тегін жүргізіледі. Оқушыларды ауданның үздік ұстаздары Тауасаров Қуанғали мен облыстық, республикалық «Үздік қолөнер» сайыстарының жүлдегері Елбаев Нұрхат Тұрланұлы үйретеді», деді ол.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.