Ақтау қаласы әкімінің штаттан тыс кеңесшісі тағайындалды

Ақтау қаласы әкімінің өкімімен жасыл желекті күтіп ұстау жөніндегі әкімнің штаттан тыс кеңесшісі болып Лукшонис Владимир Ионасович тағайындалды, деп хабарлайды қала әкімінің баспасөз қызметі.

В. И. Лукшонис 1977-1980 жж. Вологод училищесінде білім алып, аталған оқу орнында орман шаруашылығы бойынша қосымша курстан өткен.

1981-1986 жж. "Кадриорг" саябағында жасыл желекті күтіп, баптау, органикалық тыңайтқыштарды жинау, тарихи құндылығы бар ағаштан жасалған үйлерді жаңарту, бақты безендіру жұмыстарымен айналысқан.

1987 жылы Шевченко (Ақтау) қаласына қоныс аударды.

2000-2002 "Көктем" КММ қызмет етті.

2005 жылы "Green Sand” ЖК - бақты безендіру, жасыл желекті күтіп ұстау, саңырауқұлақ шаруашылығымен айналысты.

2007 жылы - ЕШКО Еуропалық мектебінде бақты безендіру дизайны бойынша білімін дәлелдеп, куәлік иеленді. Осы жылы аталған мамандық бойынша студенттерді шақыру және оқыту бойынша ЕШКО-ның кеңесшісі болды.

2018 жылы - "АгроГрин" ЖШС-да бақты күту, тыңайтқыштарды жинау,

өсімдіктерді тірілту бойынша бас маман болды.

2000 жылдан бері "Нұр Отан" партиясының мүшесі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.