Көпшілік жерге бармаңыздар - Айларбек Шыршықбаев

Бұл туралы Маңғыстау облыстық жедел және шұғыл медициналық жәрдем станциясы директорының міндетін атқарушы Айларбек Шыршықбаев мәлімдеді.

«Биылғы жылдың наурыз айында коронавирус індеті жетіп, тарала бастауына байланысты елімізде дер кезінде төтенше жағдай жарияланды. Шектеу шаралары енгізілді. Алайда шектеулердің бәсеңдетіліп немесе алынып тасталуымен тұрғындар еркінсіп, той-садақаға, теңіз жағалауына топталып баруы қайта қалыпқа түсті. Ең сорақысы, көзге көрінбейтін болған соң бұл ауру менде жоқ деген жалған сезімге бой алдырды азаматтар. Қазір бір-бірімізге жұқтыру процесі өте тез жүруде», дейді Айларбек Шыршықбаев.

«Жағдай қазір қиын. Қызуы көтерілгендер, ауа жетпейтін сезім пайда болғандар, ауырғандар өте көбейіп кетті. Сондықтан, халыққа айтарымыз - мүмкіндігінше жеке басыңыздың сақтығын ойластырыңыздар. Көпшілік жерге бармаңыздар. Қолдарыңызды жиі жуыңыздар. Бетпердені үнемі киіп жүріңіздер. «Ауырып ем іздегенше, ауырмаудың жолын іздеңіздер», - дейді ол.

Брифинг соңында қазіргі уақытта қолданыста жүрген 48 жедел-жәрдем көлігіне қосымша тағы 52 машинаны тамыз айында дейін лизингке сатып алу жоспарланып отырғаны айтылды. Бұдан соң Маңғыстауда жедел жәрдем көлігінің тапшылығы жойылуы тиіс.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.