Коронавирус: Облыс тұрғындары тегін экспресс-тесттен өте алады

Құрметті Маңғыстау облысының тұрғындары! Сіздерді «Саби» қоры көрсетіп жатқан қайырымдылық көмегі аясында, коронавирусқа қарсы денелерді анықтау бойынша тегін экспресс-тестін өтуге шақырамыз. Тестілеуді орындайтын оператор ретінде жеке зертханалардың біреуі тағайындалды. Бұл туралы облыстық денсаулық сақтау басқармасының баспасөз қызметі хабарлады.

Экспресс-тестіні өту үшін cdl.kz сайтында сауалнама толтыру қажет. Денсаулық сақтау министрлігінің эпидемиологтары эпидемилогиялық өлшемдер негізінде сауалнамаларды іріктеп алады. Содан кейін, байланыс-орталықтың операторлары пациентпен байланысып әр пациентке емшара кабинетіне келу уақытын жеке тағайындайды.

Қауіпсіздік шараларын сақтау мақсатында пациент белгілі ережелерді сақтауы тиіс, олар:

• нәтижені алу үшін электрондық поштаны көрсету;

• қатаң түрде көрсетілген уақытта келу;

• бетперде киіп келу;

• емшара кабинеті келушілерінің арасында 1,5-2 метр арақашықтықты сақтау.

Экспресс-тестілеу коронавирусқа деген иммундық жүйенің әсерін бағалап, бармақтан алынған қанда IgM және IgG классты ерекше қарсы денелерді анықтайды.

• IgM қарсы денелер бірінші болып қалыптасады, індет жұққаннан кейін 7-10 күн аралығында пайда болады.

• IgG қарсы денелер кейін қалыптасады, ол індетпен ауырған әрі оған қарсы қалыптасқан иммундық жауаптың белгісі болып табылады.

Экспресс-тестілеудің нәтижесі талдау тапсырғаннан кейін 15 минутта ұсынылып, сауалнама толтырған кезде көрсеткен электрондық поштаға жіберіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.