Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бұл туралы МО қоғамдық коммуникация орталығы хабарлады.
Ақтау қаласының 2 тұрғынынан COVID-19 анықталды. Бірі 1991 жылы туған кешегі жүкті әйелдің жолдасы. Екіншісі ол жігіттің 24 жастағы әріптесі. Күні кеше жүкті әйелден қауіпті індет анықталған соң, онымен жақын байланыста болған адамдар да провизорлық бөлімшеге жатқызылып, сынама алынған болатын. Нәтижесінде екі адамның вирусты жұқтырғаны расталды. ПТР диагностикалық зерттеу қорытындысы бойынша COVID-19 диагнозы нақтыланды. Қазір науқастармен байланыста болған адамдар анықталып, тексеріліп жатыр. Бірнешеуі ауруханаға жатқызылды, делінген хабарламада.
Бірінші науқас тұратын Ақтау қаласындағы 17 шағын аудан 82-ші үйдің подъезі кеше арантинге жабылып, дезинфекция жұмыстары жүргізілген еді. Бүгін оның әріптесі тұратын Ақтау қаласындағы 15 шағын аудандағы 70-ші үй подъезі де сыртынан жабылып, дезинфекция жұмыстары жүргізілді. Эпидемияға қарсы іс-шаралар жалғасуда.
22.04.2020 ж. жағдай бойынша облыста осы күнге дейін 16-адамнан COVID-19 вирусы анықталды: Ақтауда -8, Жаңаөзенде – 4, Маңғыстау ауданында – 4, оның ішінде емделіп шыққаны - 2.
Айта кетейік, Ақтауда коронавирус жұқтырған жүкті әйел кеше босанған болатын.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.