Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Кандидаттар агитациялық жұмыстарды қызу жүргізуде.
Бүгін Республикалық сайлауалды штабының мүшесі Ардан Сұлтанұлымен бірге облыстық мәслихат депутаттығына үміткерлер Тимур Әбдікәрімов, Нұрбол Оқуов, Жанболат Тангиев, Дмитрий Донских, Анар Шамшадинова және қалалық мәслихат депутаттығына бірмандатты үміткер Айда Ертілеуова "ҚазАзот" АҚ ұжымымен кездесті.
Еркін форматта өткізілген жиында партияның сайлауалды бағдарламасы жан-жақты талқыланды. Бағдарлама аясянда халықтың өмір сүру жағдайын жақсарту,жаңа жұмыс көздерін ашу, өндірістік орындардағы қызметкерлердің қауіпсіздігін арттыру мен жастардың әлеуметтік санатын қолдауға жұмыстанатындарын айтты.
- "Amanat" партиясы өз сайлаушыларымен бірге ең алдымен, қазақстандық отбасыларды қорғауды қамтамасыз етуге ниетті. Ол үшін партия Денсаулық сақтау, білім беру саласында сапалы жағдайлар жасауды көздеп отыр. Қазақстанның әрбір азаматы жайлылық пен қауіпсіздікте өмір сүріп, жұмыс істегенін қалаймыз. Біз сайлауға нақты мақсатпен және елдің болашағы үшін жауапкершілікті толық түсінумен барамыз,-деді өз сөзінде Анар Шамшадинова.
Сондай-ақ үміткерлер партияның соңғы екі жылда атқарған жұмыстарына тоқталды. Атап айтар болсақ, партия филиалы жанындағы "Жер аманаты" қоғамдық кеңесі заңсыз берілген немесе пайдаланылмаған жерлер мен жайылымдарды мемлекет меншігіне қайтарып берді. Өңірдегі туризм бағытын дамыту мақсатында бірқатар жаңа туризм нысандары іске қосылды. Екі жыл ішінде 11 мектеп, 35 балабақша, 9 спорт нысаны іске қосылғандығын атап өтті.
Кездесуге қатысушылар кандидаттарға жылы лебіздерін айтып, сенім білдіріп, қолдау көрсететіндерін айтты.
Аталған өндірістік ұжымда 1300-ге жуық қызметкер еңбек етеді. Мекеме елімізде азотты минералды тыңайтқыштардың 90%-ын өндіретін ірі кәсіпорын болып саналады. Айта кету керек, еліміздің индустрияландыру бағдарламасы мен отандық тауарларды сыртқы нарыққа шығару бағытындағы үлесі зор мекеме.
Тапсырыс беруші: Н.Қарасаев.
Маңғыстау облыстық мәслихаты депутаттарының сайлауында партиялық тізімді ұсынған "AMANAT" партиясы Сайлау қорының қаражатынан төленді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.