“Маңғыстаумұнайгаз” жолды жапқандардан мұнай кәсіпшілігіне кедергі жасамауды сұрады

«Маңғыстаумұнайгаз» АҚ № 6 мұнай кәсіпшілігіне баратын жолды жабу бойынша мәлімдеме жасады, деп хабарлайды mangystaumedia.kz

“Тұрғындардан түсіністік танытуды сұраймыз, мұндай заңсыз әрекеттер 4500-ге жуық адам жұмыс істейтін компанияның жұмысына кедергі келтіруі мүмкін. Қазіргі уақытта 450-ге жуық көліктің (арнайы техника, жеңіл көліктер мен жұмысшыларды тасымалдайтын автобустар) қозғалысына кедергі келіп тұр.

Жиналғандарды мұнай кәсіпшілігінің жұмысына кедергі жасамауға, Маңғыстау облысының тұрғындарына, атап айтқанда Қарақия ауданының тұрғындарына әлеуметтік-экономикалық зардап әкелмеуіне шақырамыз.

«Маңғыстаумұнайгаз» АҚ өңірдің, соның ішінде Қарақия ауданының әлеуметтік мәселелерін шешуге баса назар аударуда. Соңғы үш жылда (2020-2022):
– Қарақия ауданын қоса алғанда облысқа жалпы сомасы 2,5 млрд теңгеге түрлі демеушілік көмек көрсетілді.
- Жергілікті бюджетке 27,5 млрд теңге, соның ішінде Қарақия ауданының бюджетіне 7,3 млрд теңге аударылды” деген мекеменің баспасөзі таратқан ақпаратта.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.