Ақтауда ағаш отырғызу жұмыстары жалғасып жатыр

Көгалдандыру жобасы аясында «Green City Aktau» ЖШС қалада ағаш отырғызу жұмыстарын жүргізіп жатыр, деп хабарлайды mangystaumedia.kz Қоғамдық коммуникация орталығына сілтеме жасап.

Қазіргі таңда 3, 4, 4а шағын аудандарында, «Ақбота» паркінде және «Геологтар» аллеясында ағаштар отырғызылып жатыр.

-2022 жылы жоба бойынша 20 мың бұта, 2581 ағаш және 3300 раушан гүлін отырғызу жоспарланған. Күзгі отырғызу жұмыстары қараша айының соңына дейін жалғасады. Бұл жұмыстар Ақтаудың көркеюіне үлес қосу және қаламыздың жасыл қорын толықтыру мақсатында жасалып жатыр, дейді «Green City» ЖШС басшысы Айбек Ербөлеков.

Жасыл желектер Маңғыстау облыстық ботаникалық бағынан алынған және қаламыздың климатына сай таңдалған.

Айта кетейік, қазіргі уақытқа дейін 900-ден астам түп ағаш (Айлант, Маклюра, Глидичия, Ясень, Акация), 4050 бұта және 768 раушан гүлі отырғызылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.