Ақтау әкімдігі демалыс базалары ауданындағы теңіз ішіндегі жұмысқа түсініктеме берді

ГАСК өкілдері мен жер инспекциясының қызметкерлері арнайы техникамен жұмыс жүргізіліп жатқан учаскеге барды. Ақтау қаласы әкімдігінің хабарлауынша, арнайы техниканың көмегімен "SunSet" демалыс базасының басшылығы пирсті бөлшектеп жатыр, деп хабарлайды mangystaumedia.kz.

- "SunSet" демалыс базасының қолданыстағы пирстері бөлшектеліп жатыр. Ақтау қалалық сәулет және қала құрылысы бөлімі шаралар қабылдау үшін Маңғыстау облысының Жер ресурстарын басқару департаментіне (жер инспекциясы), сондай-ақ Маңғыстау облысы бойынша Мемлекеттік сәулет - құрылыс бақылау басқармасына (ГАСК) тиісті хат жолдайды, - деп хабарлады Ақтау қаласы әкімдігінің баспасөз қызметі.

Еске сала кетейік, Ақтау тұрғындары Каспий теңізінде арнайы техниканың қатысуымен жұмыстар жүргізілгені туралы хабарлады. "Эко-Маңғыстау" ҮЕҰ мәліметтері бойынша, жұмыстар Stigl демалыс базасы мен әскери жаттығу орталығы арасында үш аптадан астам уақыт бойы жүргізіліп келеді. Ал алынатын топырақ жағадан екі шақырым жерге шығарылып жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.