Елдегі ең төменгі күнкөріс деңгейі бойынша ең жоғарғы табыс Маңғыстауда тіркелді

Биыл мамыр айындағы ең төменгі күнкөріс деңгейі 42 600 теңге болды. Бұл былтырғыға қарағанда 19,6%-ға артық. Ең төменгі күнкөріс деңгейі соңғы бес жыл ішінде — 83,5%, он жыл ішінде 2,6 есе өсті, деп хабарлайды mangystaumedia.kz сайты Zakon.kz-ке сілтеме жасап.

2021 жылғы мамырда көрсеткіш 35 600 теңге болған. Бұл — 2020 жылмен салыстырғанда 10,9%-ға артық.

ЕТК деңгейінің ең жоғары шамасы Маңғыстау облысында белгіленген — 50 200 теңге. Көшбасшы өңірлердің арасында Нұрсұлтан (46 900 теңге) және Алматы (45 400 теңге) қалалары бар.

Топ 5-тікке Шығыс Қазақстан (43 100 теңге) және Павлодар (42 600 теңге) облыстары кірді. Салыстырмалы түрде ең төменгі күнкөріс деңгейі Қызылорда, Ақтөбе және Батыс Қазақстан облыстарында тіркелген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.