Сарға ауылының тұрғыны: Халық өзі сайлаған ауыл әкіміне талап қоя алады

Маңғыстау облысындағы Сарға ауылының тұрғыны, аудандық ардагерлер кеңесінің төрағасы Сұлтан Жаңбыров алғашқылардың бірі болып өз таңдауын жасады, деп хабарлайды ҚазАқпарат.

Аудандық ардагерлер кеңесінің төрағасының айтуынша, халық өзі сайлаған ауыл әкімінен үміт күтеді. Себебі, кез келген тұрғын күнделікті өмірде өзі дауыс берген әкімінен тікелей сұрағына жауап алады.

«Бүгінгі күн біздің еліміз үшін ең мерекелі күн. Себебі, елімізде тұңғыш рет ауылдық жерлерде әкімді халықтың өзі сайлап жатыр. Мұндай таңдау ешқашан болмаған. Бұрын әкімді жоғарғы билік белгіліп, мәслихат тағайындайтын. Ал, енді биылдан бастап халық әкімдерін өздері таңдай алады. Тұрғындардың өздері сайлаған әкімдерінен күтетін үміті көп. Ал халық сайлаған әкімге тұрғындар өздері қолдау көрсетеді», - деді ол.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.