«Ақтау-Баку» бағытында мұнай тасымалдау іске қосылады

Сыртқы істер министрінің орынбасары Роман Василенко биыл «Ақтау-Баку» бағытында мұнай тасымалдау іске қосылатынын айтты деп хабарлайды mangystaumedia.kz turkystan.kz-ке сілтеме жасап.

Министрдің орынбасары Қазақстан өз аумағы арқылы өтетін барлық бағыттағы транзитке шектеу қоймайтынын мәлімдеді.

«Бүгінде тек «Шығыс-Батыс» қана емес, «Солтүстік-Оңтүстік» бағыты да бар. Осыған дейін орта бағыт айтылды. Бірақ оңтүстік бағыт та бар. Ол Түрікменстан мен Иран арқылы өтеді. Былтыр президент Иранға барып, тауарды Түркия арқылы сол елге жіберу бойынша келісімдер жүргізді», – деді Роман Василенко БАҚ өкілдерінің қатысуымен өткен брифингте.

Оның айтуынша, қазір мұнай экспорты бірнеше маңызды бағыт бойынша жолға қойылған.

«Оның ішіне Ресей арқылы өтетін бағыттар кіреді. Каспий құбыр консорциумы, «Атырау-Самара» құбыры, «Махачкала-Ақтау» бағыттары бар. Биылдан бастап «Ақтау-Баку» бағытындағы тасымалдау іске қосылады. Яғни, мұнай Әзербайжан арқылы тасымалданады», – деп түсіндірді ол.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.