Маңғыстаулық жасөспірімдер тоғызқұмалақ Чемпионатынан жеңімпаз атанды

Тоғызқұмалақтан жасөспірімдер арасындағы ҚР жекелей чемпионатында Маңғыстау облысының құрамасы жеңімпаз атанды, - деп хабарлайды mangystaumedia.kz.

20-30 маусым аралығында Талдықорған қаласында тоғызқұмалақтан 9, 11, 13 жас ұлдар мен қыздар арасында классика, рапид және блиц бойынша чемпионаты өтті.

Чемпионатқа ел көлемі бойынша 300-ден аса спортшы қатысқан. Маңғыстау облысының атынан аттанған 17 жасөспірім чемпионат нәтижесі бойынша жеңімпаз атанды.

Классика бойынша жекелей есепте 13 жас ұлдар арасында Жаңаөзендік спортшы Мирас Наурызбай 1 орынды иеленді.

Рапид бойынша жекелей есепте 11 жастағы ұлдар арасынан Ақтаулық жасөспірім Оразбай Жантілек және 9 жас қыздар арасынан Оразбай Жансезім үшінші орынды иеленді.

Блиц бойынша жекелей есепте 11 жасар Абылай Бекишов 1 орынды, Альбина Сәрсенбай 2 орынды, Қаламқас Сәрсенбаева 3 және Жансезім Оразбай 3 орынды иеленді.

Барлығы 3 алтын, 1 күміс, 4 қола медаль есебімен Маңғыстау құрамасы І орынға шықты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.